Gode debattar i Arendalsuka

Bilete frå Villreindebatten: Harald Victor Hove (debattleiar), Anne-Mari Planke (DNT), Timo Knoch (Ordførar Eidfjord), Jon Askeland (Fylkesordførar Vestland), Anne Hagenborg (Stortingets Energi- og miljøkomite).

Hardangerviddatunnlene as hadde to vellukka arrangement i Arendalsuka. Selskapet har valt å prioritera informasjonsutveksling og gode samtalar mellom aktuelle aktørar, framfor profilering og giveaways på stand i gata.

Debattane om NTP og om kven som skal gjennomføra tiltaka for å ta vare på villreinstamma på Hardangervidda etter Statens tiltaksplan, viste at Tunnelar på Hardangervidda havnar i spagat mellom Klima-og Miljø-departementet og Samferdselsdepartementet.

Nokre refleksjonar etter desse dabettane:

*Tunnelar på RV 7 er MILJØTUNNELAR og naturrestaureringsprosjekt for
Hardangervidda villreinområde. Tunnelar på RV 7 er overgangar for villreinen mellom leveområda i sør og nord på vidda. Ved å stengja 11 km veg på Høgfjellet, frigjer det 66 dekar som barrierar i gamle villreintrekk.
*Tiltaksplanane for villreinen krev at det er vilje til tiltak og at
stat, fylke, kommunar, organisajonar, grunneigara og frivillige tar ansvar for sine område og jobbar sammen.
*DNT og kommunane har alt tatt avsvar og førebudd tiltak. STATEN må på
banen og samordna seg for ei samla forvaltning av Hardangervidda og for
å få bygd tunnelar som villreinovergangar.
*Dyranuttunnelen må inn i komande NTP. Start planlegging no og bygg ein tunnel om gongen.
*Tilbaketrekning av menneskeleg aktivitet er ein avgjerande faktor
villreinstamma.
*Vinterstenging av Rv 7 Hardangervidda har ingen funksjon for villreinen. Det er lite vvinterbeiteområde rundt Hardangeerjøkulen. Villreinen treng området under Hardangerjøkulen om sommaren for mat ognedkjøling.
*Trengs det opprettast ei tverrsektoriell gruppe for tiltaksarbeidet?
*Å koma inn i Nasjonal Transportplan vert tøffare og tøffare viss planen skal følgjast.
Planen har ikkje vedtak om bygging.
*Rv 7 Hardangervidda er vedtatt å vera ein hovedveg for reiseliv og
persontransport mellom aust og vest. RV 52/E16 og E 134 primært for næringstransport.
*Dokument 8 forslaget i februar 2026 om å starta planlegging av
tunnnelar på Hardangervidda viser kor viktig Rv 7 er for Stortinget.
*Planmessig jobbing, einigheit langs heile Rv 7, gode og breie argument
vinn fram.
*Det internasjonale ansvaret for villreinen krev Interdepartemental
samordning for tunnelar på Hardangervidda.

Leiv Vambheim -dagleg leiar i Hardangerviddatunnelene as.