God Jol og Godt Nyttår. Ljos i tunnelen.

Foto:Cecilie Vambheim Kornesliussen

Norsk samferdsel er tema som engasjerer. Me har alle ein veg å kjempa for, normalt den som vedkjem kvardagen vår. Staten , Fylka og kommunane byggjer heile tida nye vegar, opprustar gamle vegar og kjempar med vedlikehald, ras , flaum , gamle murar og gammal asfalt. Slik greier samfunnet å halda hjula igang og utvikla landet. Det er store midlar ein snakkar om og dyrare og dyrare vert det.

Større samferdselsprosjekt treng ofte tid til å modnast og stå i prioriteringskøen. Slik oppfattar også Hardangerviddatunnelen as situasjonen. Etter aktive 12 år og fleire positive utviklingsvedtak, har Stortinget vedtatt at Rv 7 Hardangervidda er ein hovedveg aust-vest for reiseliv og persontransport, funksjonsfordelt med Rv 52 Hemsedalsfjellet for næringstransport.

Partiet Høgre på Stortinget har gjennom eit Dokument 8 -forslag bede om at planarbeid for tunnelar på Hardangervidda vert starta opp. Jolegåve med meining. Transportkomiteen har hatt høyring og fått mange støttande innnspel. Trua er no at dette vert følgt opp av eit samla Storting.

Så ønskjer me alle vegentusiastar, medspelarar og motspelarar eit godt nytt samferdselsår.