Nyttig Folkemøte for Dyranuttunnelen
Notat etter Folkemøtet 19.05.2025 på Geilo.
Av dagleg leiar Leiv Vambheim. Bilde: Anders Mossing, Norsk Villreinsenter
Selskapet Hardangerviddatunnelene as har gjennom 10 år arbeidd med å få gjennomslag for å byggja tunnelar på Rv 7 Hardangervidda. Det har vore årlege «Rein Vidde»- konferansar fram til 2020, og siste åra har selskpaet hatt gode kontaktar og møter med Kommunetyrerepresentantar, Fylkestingsmedlemmer, Stortingspolitikarar, Regjeringsrepresentanar, Villreinforvaltning og Statens Vegvesen. Selskapet profilerer seg også i Arendalsuka.
Som ledd i arbeidet med å fremja saka vart det 19.mai 2025 gjennomført Folkemøte på Geilo. Det var ei oponionsmønstring for å få fokus på den viktigaste tunnelen, Dyranuttunnelen, på Rv 7 Hardangervidda. Støttegruppa «Miljøvegen RV 7 Hardangervidda» hadde tatt på deg ansvar for å arrangera denne samlinga, der omlag 250 støttepersonar møtte opp. I eit panel på scena var samla fagfolk og politikarar. Hans Geelmuyden var fasilitator. Det var stor semje om at dette hadde vore ei nyttig samling der «folket» blei orienterte om prosjektet og fekk visa poltikarane at her står det mange bak kravet.
Samlinga byrja med styreleiar Petter Rukke ønska velkommen og orienterte om formålet med samlinga. Nils Magne Slinde frå Statens Vegvesen, peika på at det var ingen planar for tunnelar på Rv 7 Hardangervidda. Roger Espeli og Oddvar Brakestad frå Reiselivsnæringa , Anders Mossing frå Villreinforvaltninga og Hans Myklatun frå Støttegruppa presenterte det nødvendige behovet for tunnelar på Hardangervidda. Dette vil gje villreinen forbetra levevilkår, betra vinterregulariteteten for reisande, auka trafikktryggleiken, utvida turistsesongen, sikra beredskapen og styrkja kortast vegen mellom Austlandet og Vestlandet. Hardangervidda har no 25 % av trafikken aust-vest og er den fjellovergangen som har størst trafikkauke. Når Lærdalstunnelen nattestengjer og Hardangerbrua er nedbetalt, er prognosen at Rv 7 blir hovedferdselsåra aust-vest, med 50 % av trafikken.
I panelet sat Stortingsrepresentantar og Stortingskandidatar for valet 2025. Desse var: Morten Stordalen frå Fremskrittspartiet, Trond Helleland frå Høgre, Sigbjørn Gjeldsvik frå Senterpartiet, Linda Merkesdal frå Arbeiderpartiet, Arne Nevra frå Sosialistisk Venstrepart og Guro Svenkerud Fresvik frå Venstre.
Dei lytta til presentasjonane og vart utfordra av Geelmuyden på koma med sine standpunkt til Dyranuttunelen på på Hardangervidda. I tillegg presenterte Fylkesordførar Jon Askeland, frå video, at Vestland Fylkeskommune støtta ein Dyranuttunnel.
Det var opna for spørsmål frå salen til politikarpanelet. Dei som tok ordet var opptatt av konkrete svar på og fristar for når tunnelar på Rv 7 Hardangervidda kan realiserast.
Det viktigaste fokuset i møtet vart Villreinen sine vilkår for å overleva på Hardangervidda.
Oppsumering:
- Gjennomgangstonen var at dette kjem nok. Ingen parti tok til orde mot Hardangerviddatunnelar. Ved nest rullering av NTP vil nok Dyranuttunnelen vera inne.
- Dyranuttunnelen må inn i Tiltaksplanen for Villreinen på Hardangervidda våren 2025. Linda Merkesdal tar kontakt med Klima- og Miljøvernministaren.
- Selskapet må styrkja presset mot Stortinget ved ein kraftig synleg opinion.
- Kanskje trengs det bestillast ein ny KS 1 (Kvalitetsikringsrapport), men ikkje nødvendigvis. Dette vil forseinka prosjektet.
- Statens Vegvesen kan starta planarbeidet så snart det kjem ei bestilling frå Samferdselsdepartementet.
Etter møtet har det vore gode mediaoppslag som har speidd god informasjon både om Rv 7 Hardangervidda som kortaste veg aust vest og om behovet for tunnelar på Rv 7 Hardangervidda.